عدد المساهمات : 57 نقاط : 77 الشكر : 10 تاريخ التسجيل : 02/07/2010
موضوع: أخــــــــــــــــر لقــــــــــــــــــــاء0000 الأربعاء يوليو 14, 2010 10:32 pm
[center]
[قصه] (آخــــــــر لقــــــــاء )
(Fàhd ~ad~ Wégdan)
كانت جالسه مع أهلها سوالف وضحك ودق منبه الجواللاتنسين تصحين زوجك فهد) ضحكت في نفسها وتقول: أخيرآ جاء الوقت اللي أرد لك إزعاجك يافهد وصرت أنا أصحيك علشان المباراة طييييب جاااااك المووووت ياتارك الصلااااة وجدان سنه بأولى جامعه حلوه جمالها هادي ونعووومه بيضاء شعرها متوسط النعومه تحت أكتافها لونه عنابي قصيره شوي جسمها روووعه حبوبه لدرجه محد يتخيلها طيبه بزياده والأهم من هذا مرحه وهاديه وقليلة كلام والكل يحبها لها أختين الكبيره غيداء سنه متزوجه جذابه جدآ الصغيره صفاء سنه مملوووحه وسمارها مملحها ولها أخوان حازم سنه أعزب وموظف أقرب أخوانها لها طيب ومتفهم ومتسامح وقلبه كبير ومتدين أنس سنه يدرس بالجامعه آخر سنه هادي ومسالم تفكيره هندسي ودقيق خالد سنه مرح وحبوب بس عصبي وبقوه أحمد سنوات يدرس بالإبتدائي آخر العنقود وأكيد المدلل(ودلوع ماما وبابا) _____فهد ولد خالة وجدان خطيبها وحبيبها من الطفوله سنه يدرس بالجامعه آخر سنه يشبه وجدان في كل شي إلا أن طبعه طبع رجال وهي بنوووته وسيم وجذااااب له أختين توأم ريم و ريما سنه جميلات بس مافيهم جاذبيه ومتزوجات وله أخوان ماجد سنه فايز سنه محمد سنه طالب بالمتوسط متفوق وذكي يفهمها وهي طايره ودائمآ الأول ع الفصل
################# راحت وجدان تركض على الدرج وإنلوت رجلها وطاحت وضرب ركبتها حد الرخام وصارت تصب دم كثير تحاملت على نفسها كثير وراحت لغرفتها وفي عيونها دموع من شدة الألم دقت على فهد.... وجدان والعبره خانقتها: مساء الخير فهد بتثاقل: هلا وجدان مساء النووور والحب والسرور وجدان:_____ (كان الألم شديد والدم ماوقف) فهد: جودا وش فيك ساكته آها جالسه تفكرين إعترفي وبسرعه بأيش تفكرين وجدان تبكي: رجلي تعورني فهد بحنان: وجدان خوفتيني عليك وش فيك حبيبتي إمسحي دموعك عشان خاطري وقولي وش السالفه وليش تعورك وجدان: كنت طالعه الدرج وطحت وحد الرخام ضرب ركبتي وللحين ماوقف الدم فهد: قومي بسرعه أوصلك للمستشفى وجدان: هههههههاااي ضحكتاني والله إنك ضحكتاني وأخواني وين راحو فهد: وينهم ماودوك وإنتي تتألمين قدامهم وجدان: ماشافوني أنا على طول جيت كلمتك علشان أصحيك للمباراة فهد: بلا مباراة بلا هم يلله قومي للمستشفى
نزلت وجدان عند أمها وكانت أمها شوي وتنجن خصوصآ إن وجدان البنت الغاليه عندها راحت مثل البرق تجيب عباياتهم ووداهم أنس للمستشفى كانو خايفين عليها لأن عيونها تدمع وهي تقول: يمه ماعدت أحس برجلي دخلت عند الدكتور===== الدكتور: إيه مالها رقلك ياحبيبتي وجدان بألم: طحت عليها الدكتور لاحظ إنها نزفت كثير وقرر يعوضها بدم جديد مع علاج الجرح الدكتور: بسيطه إنشاءالله حعقمها وألف عليها شاش وإنشاءالله حتبأي كويسه وجدان: دكتور أنا مو حاسه برجلي أستغرب الدكتور وقالها بإنفعال: حركي أصبعك ده حركته وجدان وضحك الدكتور على وجدان لأنها خوااافه وصار يقول: إستهدي بلله يابنتي مافيش حاقه إن شاء الله طلع الدكتور من عند وجدان أنس وأم حازم بصوت متلهف وخايف: هاه بشر يادكتور؟؟؟ الدكتور: لأ بسيطه إنتو خايفين كده ليه حنعوضها بدم بدال اللي فأدته وحتخرج بعد ماينتهي الدم والمغذي وبالنسبه للقرح قرح صغير لكن على عرق حخيطه غرزتين وأعقمه ماتخافوش أم حازم: الحمدلله طمنتني يادكتور الله يطمنك أنس: طيب بتطول عندكم؟ الدكتور: لأ كلها كم ساعه وتخرج دخلو عند وجدان ولقوها رايحه بسابع نومه قرب لها أنس ولمس راسها يبغى يصحيها لاحظ حرارتها مرتفعه وأخذ ينادي الدكتور وفعلآ كانت حرارتها 40^
الدكتور طمنهم وقال: ماتخافوش دي أعراض عاديه بعد فقدان كميه كبيره من الدم
وبعد ربع ساعه دق جوال وجدان وكان (نور عيوني يتصل بك) ضحك أنس وأخذ الجوال وطلع برا الغرفه ورد ساكت فهد بحنان: هاه حبيبتي بشري إنشالله الحين أحسن أنس: هههههههه حبيبتك هاه فهد:______؟!!. أنس: ترا والله ماأخوف لكن ماودك تتطمن على حبيبتك وأقولك وش صار معنا فهد يتنحنح وبخجل: هلا أنس وش أخبارك وكيف أحوالك إنشالله تمام
حس أنس إنه أحرج فهد وطولها شوي وحب إنه مايطول عليه أكثر ويقوله اللي صار معاهم
أنس: أنا تمام بس وجدان تعبانه شوي فهد: إنتو وين ؟ أنس: بمستشفى(_____) فهد: إنشالله دقايق وأنا عندكم
إرتبكت لما سمعت إسم فهد ونزلت راسها ع المخده تتذكر اللي صار
طق الباب وكان راح يوقف قلبها جلست ع السرير وغطت وجهها دخل فهد وخالتها أم ماجد أم ماجد: سلامات يابنيتي ماتشوفين شر إتجه فهد لخالته يسلم عليها
وجدان: الله يسلمك ياخالتي وحاولت تقوم تبغى تبوس خالتها لكن مع الحركه رجلها عورتها ولا قدرت توقف أم ماجد: ليش تتعبين نفسك يابنيتي أنا أقرب لك أنس: ههههههههه مو عشانك ياخالتي عشان حبيب القلب سكت أنس لما شاف أمه تطير عيونها عليه وقال وهو يتجه للباب بيطلع: أمزح ياخي الواحد مايقدر يقول كلمتين أم ماجد: والله إذا عشان ولدي وحبيتيني عشان ولدي أنا من وين لي مره تحب ولدي هالكثر لا وتحبني عشاني أمه
وجدان ماعادت بوعيها من كثر ماهي مستحيه ولا رفعت راسها أبد
أم حازم: الحمدلله يقول الدكتور إن الجرح بسيط وبتطلع بعد شوي أم ماجد: الحمدلله على سلامتها بصراحه جاني فهد وهبل فيني يقول وجدان منومه بالمستشفى وأنا قلبي كان بيوقف قلت بس البنت راحت بسم الله عليها بس الحمدلله هذهي طيبه وبخير وإلتفتت على فهد تشوف مافيها شي ياوليدي صح ياوجدان؟ وجدان وبكل حياء وبصوت غير مسموع: إيه صح ياخالتي أم ماجد+أم حازم: هههههههههههههههههههههه وجدان+فهد: ماقدرو ينطقون بشي من الفشيله وطيحة الوجه طلع فهد بعد ماتطمن على وجدان وجلس يسولف مع أنس برا الغرفه وأم ماجد وأم حازم خذتهم السوالف ووجدان نايمه أم ماجد: يام حازم متى تبغون نملك لهم فهد غاثني يبغى يملك أم حازم: إنتي عارفه أنا مابيدي شي وودي إنهم يملكون ونرتاح من المشاكل خالد كل يوم هو ووجدان مناقر على الجوال بس أبو حازم يقول خلي فهد يتوظف أم ماجد: الوظيفه جاهزه بس ننتظر يتخرج تدرين بعد زوج ريم يشتغل بالداخليه ويقول إن وظيفته موجوده بس خليه يتخرج أم حازم: هانت مابقى شي كلها كم يوم ويتخرجون إنشالله وإذا توظف أبشري بالملكه أم ماجد: الله يكتب ماكان فيه الخير أم حازم: آآآآمييين دخل الدكتور وأنس وفهد كانت وجدان نايمه وكاشفه وجهها فهد إنجن لما شافها قممممه بالبراءه تنحنح وماكان وده لو تتغطى عنه إنتبهت له وعلى طول غطت وجهها الدكتور: لأ دنتي بأيتي زي الفل ماشاءالله وسحب المغذي وسلك الدم من يدها وفهد يطالع لليد الناعمه اللي الأبره مارحمت نعومتها وطلعت وجدان وكان أنس ماسك يدها وأمها تودع أم ماجد وكانت عيون فهد على حبيبته اللي مو قادر يسوي لها شي غير إنه يدعي لها
(بالسياره) أم حازم: وجدان تدرين إن فهد بيتوظف وجدان بقلبها أكيد أدري: لايمه ماأدري وش بيتوظف أنس بإستهزاء: يمه يمه يمه منكم يالحريم تدرون عن كل شي وكننا ماندري أم حازم بحسن نيه: وحنا وش درانا أم ماجد توها قالت لي حتى وجدان كانت نايمه أنس: أنا ماقصدتك يمه أقصد الحريم اللي يحبوووون وهو يأشر على ورا أم حازم: أنس إترك أختك تراها تعبانه ولاهي بلمك أنس: خساره مين راح يعاندني وجدان تكفين لاتتعبين مره ثانيه (وهو يمسح دمعه من عينه) ترا من جد بالساعات اللي مرت أحس إني فقدتك وجدان: الله يخليك لي ولا يحرمني منك إنشالله وصلو البيت وكان الكل ينتظر بالصاله سلمو على وجدان وجلسو يعلقون عليها حازم: أنا كم مره أقولك لاتناططين فوق الدرج ولاتسرعين الدرج فيه درجه وإنتي تخلينهم درجات وليتك على كذا تطولين (الجميع): هههههههههههه صفاء: بكرى نلقى على أول درجه رجل وعاشر درجه رجل وكل مانطلع الدرج شوي نلقى قطعه من وجدان خالد: علم نفسك ياجدار (الجميع): هههههههههه وجدان: عن إذنكم أبغى أرتاح بغرفتي أبو حازم: إنتبهي على نفسك وجدان: إنشالله خالد: أمسكي نفسك اليوم ولاتتهورين ويسوي لك الدرج إغراءات ثم تركضين وجدان: هههههه أبشر يالغالي
وجدان ع سريرها تفكر معقوله لمادخل مافكر إني كاشفه وجهي صدق وقاحه لكن أنا أأدبك يافهد دقت على فهد فهد وبعد موقف أنس رد :_________ وجدان: بالجوال كأني مستحي وبالمستشفى داخل علي لا إحم ولادستور صدق إنك قليل أدب فهد: شوي شوي علي وش فيك جايه كلك أكلتيني بقشوري وجدان: شلون تدخل علي منغير ماتطق الباب فهد: والله نسيت وبعدين حتى أنس معي ولاذكرني إنك ممكن تكونين كاشفه بس الصدق تغيرتي بعد ماكبرتي وجدان بعصبيه: وش صرت بعد (وبإستهزاء)صح صرت أشبه الممثله المصريه عايشه الكيلاني فهد يستهزئ: تصدقين وأنا أقووول وين شايفك أي عايشه الكيلاني أي بطيخ اللي شفتها نايمه قـــــــــــمـــــــــــر
مــــــــــــــــــــــلاك
وش جاب الصين للطين ووش جاب الثرا للثريا وجدان بخجل: خلاص عاد يكفي فهد بأعلى صوت: يـــــــــــاحبني للناس اللي يستحون يـــــــــــاحبني لهم وجدان بضحكه نعومه: فهــــــــــــد والله راح أقفل وصارو يسولفون وفهد نسى إن اليوم أهم مباراة للهلال مع النصر وكان فهد متعصب هلالي
وهم يسولفون فهد: وجدان لحظه معي إنتظار وجدان: خذ راحتك وجدان مانست المباراة بس كان بينهم تحدي إنها تنسيه وفعلآ الحبيب نساها رجع فهد معصب: ماشفت المباراة والشوط الأول راح ولا شفت هدف الهلال وجدان: خلاص حبيبي إذا بتروح براحتك فهد: أكيد بروح وجدان تتصنع الزعل: يعني المباراة أهم مني تتركني وإنت عارف إني تعبانه فهد: يلعن أبو المباراة دامني بجلس معك وجدان: تصدق يافهد اليوم لما كنت أركض من عند الدرج كنت ناويه أزعجك نفس إزعاجك فهد: هههههههههههه شفتي وعلى نياتكم ترزقون وجدان: أفاااا هذا بدال ماتقول ليته فيني ولافيك هذا بدال ماتقول ليته بعدوينك هذا بدا (يقاطعها فهد): والله ثم والله ثم والله إني كنت أطالع لك وأقول ليته فيني ولا فيك وكنت أدعي ربي إنك ماتتألمين صارو يسولفون ويسولفون ويسولفون ولما عرفت إن المباراة إنتهت وجدان: ها ها ها ها ها هههههه ماقلت لك أنا قد التحدي فهد: يابننننت اللذيييينا طييييب أنا أوريك صدق لاقالو إن كيدهن عظيم بس تصدقين راحه فازو الهلال بدون ماتعب أعصابي وجدان: علشان مره ثانيه ماتتحداني هاها ها يلله معليش صبر نفسك بكرى تآكل مقلب أحلى وصار فهد يتوعد وجدان ويغني مردوده مردوده والله مااخليها
(بعد أسبوعين) طلعت النتايج الكل ناجح ماعدا وجدان لأن بالها ماكان للدرس فهد ضاق صدره كثير عشان حبيبته بس كان مبسوط لأنهم قريب بيملكون
(بعد شهر) توظف فهد وتحددت ملكتهم السبت الجاي
(يوم السبت) مانامت وجدان وخواتها وكانو نايمين عندهم ريم وريما راحو البنات للصالون من الصبح وكل وحده لها شغله مع الكوافيره وخبيرة التجميل كانت وجدان أنعم وحده فيهم فستانها وردي بذهبي ومكياجها وردي رافعه شعرها ومنزله خصل بسيطه على وجهها محليتها أكثر وجدان بإرتباك وخوف: غيدا كم الساعه غيدا: تقريبآ ليش السؤال والا مستعجله بتشوفين فارس الأحلام وحبيب الماضي وزوج المستقبل وجدان زاد خوفها لما سمعت كلام غيدا: لاحرام عليك بس خايفه غيدا: أفا والله أفا خايفه وإنتي بتملكين على حبيب عمرك شقول أنا اللي عشت حب أكثر من سنوات والحين على ذمة رجال لاأعرفه ولا يعرفني كانت غيدا تحب ولد عمها لكن هو غدر فيها وراح خطب وحده ثانيه ولما تزوجت غيدا سمعت إن ولد عمها فسخ الخطبه وخطب وحده ثانيه وعرفت إنها كانت تحب واحد مايعرف شي إسمه حب وحست إن زوجها كبر بعينها وحبته من قلب صادق إرتاحت وجدان شوي وراحو البنات مع حازم للبيت وأول مادخلو راحت وجدان لغرفتها ودها تبكي بس تخاف الميك أب يحتاس وإنتبهت للجوال كان(ماما الحنونه يتصل بك) وجدان: هلا يمه أم حازم: يلله إنزلي وصلو خوالك وعمامك وجدان بخوف: إنشالله تعطرت وجدان بعطر جيفنشي ونزلت أول ماشافوها الحريم صارو يزغردون أربكها الشي زياده سلمت على خالاتها وعماتها وبناتهم أكيد كانت مبسوطه بس ماكان ودها تفارق أمها لحظه وحده دخل أبو حازم وأنس وسلمو على وجدان أبو حازم: وش هالزين يابنيتي الله يوفقك وبصوت قصير ويرزقنا أم حازم: نعم نعم نعم كني سمعت شي غلط أبو حازم: أي غلط الله يهديك أنا أقصد يرزق عيالي الجميع: ههههههههههههه أنس: أقول يبه جلستو تناقرون ونسيت إن خوالي وعمامي يبغون يسلمون على وجدان والمعرس بيشوف القمر نزلت وجدان راسها وخدودها مثل التفاح راحت مع أنس وشافت خوالها وعمامها عند الباب ينتظرونها سلمت عليهم بكل خجل وكانت تحس بدوخه خفيفه أخذت العصير من الخدامه ودخلها أنس المجلس اللي فيه فهد وراحت تقدم العصير لفهد رفع راسه ومد يده بياخذ العصير رفع عيونه عليها ولاشعوري قال: لا إله إلا الله أنس كاتم الضحكه: وش فيك أسلمت على يد وجوده وإلا أيش؟ وجدان واللي ماقدرت تكتم ضحكتها: هههههههههههههههههه فهد بعصبيه: أنس إذا ماطلعت الحين راح أسبحك بعصير وجوده أنس: ههههههه بطلع بطلع بس فكنا من لسانك وبعد ماطلع أنس جلست وجدان بعيد عن فهد فهد: تراني زوجك الحين وجدان بسخريه: أحلف فهد بعناد: والله وجدان: زين اللي علمتني فهد: يعني دريتي وجدان: إيه دريت فهد: طيب تعالي جنبي وجدان وبقوه: لأ مابي وقف فهد وراح جلس عندها ومعاه العصير أخذ عصير وقدمه لملاكه فهد يقدم العصير لوجدان: سمي وجدان تاخذ العصير من يد فهد بحيااااء شديد: سم الله عدوك مسك يدها وباسها ومسك راسها وباسه حست وجدان بدوخه وطاح الكوب بين وجدان وفهد وإمتلت ملابسهم وجدان بخجل وإرتباك: آسفه فهد لكن حسيت بدوخه خفيفه فهد ينظف ثوبه بالمنديل: سلامتك ياحياتي فداك الثوب وصاحب الثوب والعصير بعد بس ودي أعرف أفطرتي اليوم؟ وجدان: لأ فهد: طيب تغديتي؟؟ وجدان: لأ فهد: وأكيد ماتعشيتي؟؟؟ وجدان: إيه يمسك العصير ويمسك وجدان من ظهرها ويحاول يشربها فهد: يلله قولي بسم الله وأشربي وجدان بحيا: بسم الله تشرب العصير ويقضون ليله من أحلى الليالي بالنسبه لهم
#################.
أما في مجلس أم حازم دار هذا الحديث أم ماجد: وش رايكم ياحريم نطلع نخيم بالبر أسبوع أم حازم: والله خوش فكره وهذا فهد ملك على وجدان وماعاد فيه شي نخاف منه أو عليه أم أنور: ليش وش كنتو تخافون منه؟ (أم أنور أخت أم حازم وأم ماجد إنسانه حشريه ونقالة كلام وماكانو يقولون لها شي) أم حازم بإرتباك: لا كنا نخاف على وجدان ماتحب تنام بالبر
أم أنور ماصدقت بس طوفتها وتتكلم من طرف خشمها: إيه بنات هالأيام يخافون من ظلالهم أم ماجد: الشكوى لله هذي ريما حتى وهي متزوجه ماتنام بالبر ويرجعون هي وزوجها وينامون بالبيت وإذا صلو الفجر يرجعون عندهم
بكذا أم أنور إقتنعت شوي: والله مساكين هالبنات ليش يخافون والله إنهم مايعرفون قيمة وحلاة النومه بالبر أم حازم: وإنتي صادقه بس مره دخلت على البنات ولا إنتبهو إني دخلت وسمعت وجدان تقول (أكثر شي يخوفني بالبر قصص الذيابه أحس بخوف منهم وأصير كل شوي أتخيل ذيب جاي يركض يبغى ياكلني) وأنا واقفه وراهم وقلدت صوت الذيب بعدها ماشفت ولابنت بالمجلس الجميع: هههههههههههههههههه هههههههههههههههههههههههههه وجدان داخله: ضحكوني معاكم أم أنور: مسرع ماطلع من عندك وش فيكم مليتو من بعض وجدان بغضب: خالتي فهد يبغى يكلمك قبل يطلع أم ماجد: خليه يدخل مافيه أحد غريب إنتبهو للبنات جايين من برا الفيلا وجدان بإستغراب: وين كنتو غيدا: نتفرج على فلم مصري ريم: عسى العصير بارد ريما: شكله من كثر ماهو بارد تسبحتو فيه صفاء: فاتك الفلم ياوجدان رووعه جنااان ماشالله تخيلي بطل الفلم يشرب بطلة الفلم العصير أما هي من زود الحيا رمت العصير في حظن البطل وجدان وكأنها مصفوقه: قلة أدب كيف جتكم الجرأه وتجسستو علي ماتوقعتكم كذا
البنات حسو إنهم مسوين شي غلط قالو: آسفين ماكنا نعرف إن هالشي يضايقك وجدان: لا عادي بس قولولي بالأول والله ماراح أرفض إعتذرو البنات وجلسو مع الحريم وعرفو عن طلعة البر وجدان: لا تكفون مانبغى نروح للبر صفاء: جب ولاكلمه ماصدقنا إنهم يجيبون هالطاري بعد آخر مره قبل سنوات وكله من حظرة جنابك إستحت وجدان وراحت طلعت لغرفتها تتذكر اللي صار كانو طالعين للبر قبل سنوات وجدان وفهد متفقين بالليل يجلسون مع بعض بعد ماينامون أهلهم وفعلآ جلسو مع بعض ورا الخيمه سوالف وضحك وكان خالد طالع يقضي حاجته ولماشافهم ضرب وجدان وشتم فهد ورجعهم البيت غصب عنهم على الرغم من إنه كان صغير بس كان جسمه كبير وكان فهد: هلا وجوده شخبارك وجدان بنفس الصوت المبحوح: بخير حبيبي إنت شلونك فهد: وجدان فيك شي؟ أكيد خدرانه وفيك نوم وجدان: متضايقه شوي عشانهم بيطلعون للبر فهد: ليش حرام عليك وأنا جايب طبلوني وجالس أجهز نفسي للطلعه والله حطمتيني وجدان: وش دراك فهد: توني موصل أهلي وقالو لي ليش ماكنتي عندهم؟ وجدان: لا صعدت غرفتي قبل شوي طيب ماتدري متى الطلعه فهد: إلا بعد أسبوع يعني السبت اللي يجي إنشالله وجدان: والله ماودي أروح فهد تكفى ماأبغى فهد: حرام عليك وجدان يعني يوم صرنا نقدر نجلس مع بعض بدون ماأحد يأذينا صار ماودك عشان خاطري تعالي والله راح أسعدك وراح نكون مبسوطين وجدان: أفكر بس عشان خاطرك فهد: تسلمين لي ياحياتي اللحين راح أتركك ترتاحين وتنامين ومتى ودك أصحيك وجدان: لا لاتربط نفسك فيني متى ماشبعت نوم راح أصحى فهد: لا أنا راح أصحيك متى مابغيت ok وجدان: ok حبيبي فهد: نعم وش قلتي ماسمعت الظاهر إن الشبكه كانت تقطع ضحكت وجدان وعرفت قصده وجدان: خلاص فهد متى ماحبيت صحني بس لا تصحيني بدري ترا أرجع أنوم فهد: ياكرهي لأسمي خلاص نامي وعلى فكره بكرى راح أزوركم وجدان: حياك ربي البيت بيتك متى ماحبيت تعال بس مو تكثر فهد: طــــــــــــــيب ياوجدان أوريك يلله باي بعد شوي بتقولين لاتجي وجدان: هههههههههههه تصبح على خير ياأحلى وأغلى وألطف زوج بالدنيا وحياك ربي متى مافكرت تجي لايردك شي فهد: إيوه كذا الواحد يقدر ينام وهو مرتاح وجدان: _________ فهد: وجوده وجدان: _________ فهد: معقوله نمتي وجدان: _________ فهد: يـــــــــــاحياتي الله يخليك لي ولا يحرمني منك فهد باس الجوال وهو يقول: تصبحين على خير وقفل الجوال ونام وجدان: ههههه ويخليك لي بعد وإنت من أهله باست الجوال ونامت
#**##**##**##**#
فتحت عيونها أزعجها ضوء الشمس أبعدت شعرها عن وجهها مسكت الجوال وفي خاطرها وين اللي بيصحيني دقت على فهد فهد بلسان ثقيل: آآآلــــــــو وجدان: ههههااااي تصدق توني أدري إنك قد المسئوليه فهد: هلا جودا وجدان: صح النوووم يللي بتصحيني فهد: ههههههه خلاص إنتي صحيتيني وكأني أنا اللي مصحيك وبعدين المهم إننا صحينا بوقت واحد وهذا اللي أبغاه وجدان: خلاص يلله اللحين نقوم وأنا أبغى أتسبح وإنت وش بتسوي فهد: خلاص أنا بعد بتسبح وبشوف أمي كانها تبغى شي وأبغى أزوركم بعد صلاة العشاء إنشالله وجدان: حياك ربي _________________ ~~~~~~~~~~~~~~~~~~~ خلص فهد ونزل شاف محمد والبنات ريم وريما عندهم فهد: وش عندنا جايين من صباح الله خير ريما: وييين صباح الله ترا بيذن العصر يعني على فكره بعدين إنت وش مصحيك بدري على هالصبح ريم+ريما+محمد: هههههههههه محمد: وش عليك يالمعرس بديت تعود نفسك تصحى بدري وإلا جوجو صحتك فهد: أحترم نفسك ياقليل الأدب لاتقول إسم زوجتي بهالطريقه إسمها وجدان جوجو بعينك هالأسماء لك ولأمثالك محمد: ________ ريما: شوي شوي ع الولد أكلته ماقال شي ريم: بدينا قبسات من الحين إنت أحترم نفسك مابقى إلا تمد يدك وتضربه فهد بندم: تعال إنت ووجهك أموه وهذي بوسه ع راسك يالغالي بس تكفى لاتقول إسمها كذا أحس إنه أسم وحده رقاصه أو وحده قليلة أدب محمد: لاعادي أنا بعد لازم ألزم حدودي هذي زوجتك وجدان والمفروض مايدلعها غيرك (وقف وباس راس فهد) البنات مبسوطين من هالموقف إلتفت فهد ع البنات ولاحظ ريم تبكي فهد: وش فيك إنتي بعد ريم تمسح دموعها: مافيني شي بس الله لايفرقنا فهد+محمد+ريما: آميـــــــــــن فهد: إيوه ذكرتوني أمي وينها؟ ريما: بالمطبخ أم ماجد توها جايه من المطبخ: وش بغيت يافهد فهد: أبغى أروح لوجدان بعد صلاة العشاء تامرين شي قبل لااروح تبغين مني أي خدمه ريم+ريما: عشنا وشفنا ريما: من متى فهد خدوم لها الدرجه!!!!!!!!. فهد:____!!!____ أم ماجد: والله هذا فهد من مسك السياره وهو مايقصر ولا عمره رفض لي طلب ولا يوصلني غيره محمد: أعطوني سياره والله لاأنسيكم فهد ريم+ريما: هههههههه فهد: إيه تقوله لاصارت كل المشاوير عليك بتقول ليتني ماعرفت حتى أمسك المفتاح الكل مايت ضحك على ردة فعل محمد ريم: الله يخليك يافهد بنروح معك فهد: لااااااا الله يخليك إنتي وش تبغين تروحين معي ريم: والله إشتقت لوجدان ودي أسولف معها شوي وأبغى أسألها عن شي يخصني ريما: الله يخليك قول موافق فهد: كلميها وقولي لها إنكم بتزورونها وأبغى أسمعكم وإنتم تكلمون أبغى أعرف ردة فعلها ريم تتصل بوجدان وجدان: هلا وغلا بحبيبتي ريوم ريم: هلا فيك أكثر وش أخبارك يالعروس (فهد بخاطره وتتمننين علي بهالكلام الحلو) وجدان: تمام إنتي وش أخبارك وش أخبار الأهل وخالتي ريم حبت تحرج وجدان وفهد: والله فهد بخير وفهد بخير والأهل اللي هو فهد أممممم بعد بخير فهد يطير عيونه على ريم وجدان: هههههه يلله عاد الله ياخذ الإحراج اللي كذا (فهد بقلبه ياحياتي هالصوت) ريم: وش عندك اليوم وجدان: والله ماعندي شي إلا أقول ريوم ريم: هلا وجدان: اليوم فهد بيزورنا تعالو معه أحس ودي أسولف لكم إنتي وريما ريم: أصلآ أنا كنت أبغى أعزم نفسي عندك بس خفت أثقل عليك لكن الحين وتلتفت على فهد والله وعرفت تختار يالحبيب وجدان: وش تقوليـــــــــــــن منتي بصاحيه ريم: لا ماأقول شي أقول الله يخليكم لبعض إنتي وفهد وجدان بحياء: آمين الله يسلمك ياحياتي تصدقين أنبسط إذا سمعت أحد يدعي لنا بهالدعوه فهد ولاشعوري: والله حتى أنا وجدان: _________؟ ريم+ريما+محمد+أم ماجد: هه هههههههههههههههههههههههههه فهد طلع من البيت في قمة الإحراج وريم خذت الجوال وطلعت برا الفيلا : آسفه وجدان بس فهد كان بيسمع ردة فعلك إذا قلت لك إني أبغى أزورك ونسيت إني حاطه الميكرفون فهد الحين طلع وأنا بلحالي برا لاتزعلين ترا موقصدي أحرجك قدام أمي وريما وجدان وهي تلقط وجهها: لا عادي حصل خير وعمومآ تراني أنتظركم لاتتأخرون ريم: ok تامرين شي وجدان: سلامتك ريم: باي وجدان: باي _________________ نزلت وجدان عند أهلها وكان وجهها اليوم غير مشرق ومنور خدودها حمر وشكلها حلوه أكثر من أول ونعومتها وحياها دايمآ هي اللي تميزها راحت باست راس أمها وراس أبوها سلمت على غيداء وعلى أخوانها وصفاء وجلست عند أمها وأبوها والكل كان يقول إذا سلم عليها أهلين بالعروس وهي يزيد حياها وجمالها وجدان: يمه ترا فهد وريما وريم بيزورونا بعد صلاة العشاء حازم: إيوه وش عليها العروس صارت تعزم بعد أبو حازم: بيت أبوها وهي حره صفاء: يــــــــــــــارب أملك بسرعه أحمد: يلله يبه ملك لصفاء بسرعه على العامل شيريخان أبو ريحه معفنه الجميع: ههههههههههههههههههه صفاء: لاانشالله خلاص مابغى أتزوج أبد غيداء: تكبرين وتعرفين إن الزواج مسئوليه مو مثل اللي فبالك ع بالك إن الزواج ضحك ولعب ووناسه ترا الزواج مسئوليه إذا نام تنومين معه وبالصبح تقومين قبله وإذا جيتي تطلعين بلعنة الجدف وحب خشوم يوافق (غيداء كانت تخوف صفاء) صفاء: تدرين يمه إني(وتغني) أكثر من أول أحبك بس مبغى أتزوج أخاف لو تزوجت ماعاد أنا أشوفك الجميع: هههههههههههههههههه أنس: لا ترا غيداء تبالغ شوي نادر اللحين يجي زوج بهالمواصفات صفاء: إلا فيه والدليل(تأشر على خالد) هاللي جالس عندك خالد: نعم نعم نعم وش تقولين تراني ساكت وكاف خيري وشري إنتي اللي بديتي وأبشري بشيريخان أبو حازم: ههههههه ياحبي لكم ياعيالي والله إن الحياة مالها معنى بدونكم أم حازم: الله يخلينا لبعض إلتفتت على أبو حازم ويخليك لنا دوم ذخر وسند العيال: إيوه إيوه دام الدعوى فيها مغازل خلونا نجلس شوي أم حازم تغير الموضوع: وجدان خالتك أم ماجد بتجي مع البنات وإلا لأ وجدان: مدري يمكن أنس: ياخساره جا إعلان العيال+البنات+أبوحازم:ههههههههههههههههههههههههه أم حازم محرجه: ياأنكم تطفشون اللي مايطفش أقوم بس أتصل بأم ماجد وأقولها تجي أحسن كملو جلستهم وأم حازم عزمت أم ماجد على العشاء ووافقت
مر الوقت بسرعه على وجدان كانت تساعد أمها بالمطبخ ولا أمداها الوقت للميك أب بس تسبحت وسرحت شعرها ولبست تنوره قصيره وبلوزه أكمامها جبــنيز ليموني هادي مع أخضر عشبي وشبشب ذهبي ربط بدون كعب نعوووم وتركت شعرها على وجهها وكحلت عيونها بكحل داخلي ومرطب شفايف شريما تحاكي ريم بصوت محد يسمعه غيرهم: ياحيااااتي ياوجوده طالعه كأنها بنت فهد صغنووونه (وجدان قصيره طولها تقريبآ155سم وفهد ماشاءالله طوله177 سم) جلست تسولف معاهم وفهد مانزل عيونه عن وجدان طول الوقت كان يطالع لها محمد: أرحم عيونك حرام عليك فهد: بكيفي زوجتي وأنا حر محمد: أجل نظراتك لبعد العرس ترا بكره بتمل فهد: بكيييييفي حاسدني
وجدان: ريما تكفين مانبغى نطلع للبر تعالو نامو عندي بالبيت فهد: لاوالله يعني قررتي ماتطلعين وجدان: والله ماودي حاولو البنات فيها لحد ماإقتنعت إنها تروح
(بعد ماخلصو من العشاء) فهد: وجدان تعالي نجلس برا بالحديقه وجدان بخجل: إنشالله ريما: وش عليهم الحلوين بيشمون هوا الجميع: ههههههههههه فهد يمسك مخدة الكنب ويرميها على ريما ومسك يد وجدان وطلعو للحديقه فهد: وجوده وجدان: لبيه فهد: ممكن أعرف ليش ماتبغين تطلعين للبر وجدان: مدري أولآ أخاف فهد: ههههه وثانيآ وجدان: من بعد آخر مره صرت أتشائم فهد يتنهد: وثالثآ وجدان: حاسه بشي مدري وشو فهد يضغط على يد وجدان: حبيبتي لاتخافين وأنا معك وإذا على آخر مره ترانا كنا غلطانين وخالد محد يلومه وإحساسك اللي مايستحي مجرد أوهام لأنك من زمان ماطلعتي للبر وجدان: تصدق فهد أحس براحه وأمان وأنا معك فهد: واللــــــــــــــه!!!. وجدان: والله فهد: طيب تصدقين إني أحبك وجدان تقلده: واللــــــــــــــه!! فهد: والله وأمووووت فيك وجدان بحياء: وأنا أكثر حياتي
صارو يتغزلون فبعض ويسولفون عن طلعتهم للبر لين طبت عليهم ريما ريما: يااااحبيـــــــــــبي نايمين بالعسل والساعه اللحين وحده وعشر دقايق واللي داخل ينتظرون قيس وليلى فهد: أحلفي إن الساعه وحده ريما: وعشر دقايق وجدان: ياألله ياسرع الوقت فهد: والله ماحسينا ريما: قايلة لك نايم بالعسل يلله دق علي زوجي يبغى يمرني فهد وقف ومسك يد وجدان ومشو بيدخلون وريما سبقتهم وكان فهد يستهبل على وجدان ويحاول يشيلها وهي تضحك وتركض وهو يخوفها دخلو المجلس يضحكون فهد إتجه لأمه يبوس راسها: آسف يمه ماحسيت بالوقت أم ماجد: عادي ياوليدي أهم شي إنك مبسوط أصلآ ماإنتبهنا للوقت أنا وأم حازم إلا تونا فهد: والبنات وينهم صفاء بعفويه: نراقبكم أ أ أ أ أقصد جالسين نسولف ورا الفيلا فهد بمزح: ياقليلات الأدب يلله يافتيات إنني أنتظركن في السياره يودع فهد خالته ويمسك يد وجدان ويسحب وجدان برا يبوس يدها: مع السلامه حياتي وإنتبهي على نفسك وأول ماتصعدين لغرفتك دقي علي أسمع صوتك وأنوم أنتظــــــــــرك هاه وجدان: أبشر حياتي أدق إنشالله وإنت بعد إنتبه على نفسك فهد: إنشالله يلله باي وجدان: باي سلمت على البنات ريما: اللــــــــــــــه على اللي مشتاق يسولف لنا وجدان: أعذريني اليوم وإنشالله أعوضك بجلسه حلــــــــــــــوه ريما: إيوه ألعبي بعقلي ياحلـــــــــــوه يلله باي حياتي وسلمت على خالتها وودعتهم ودخلت عند أمها أم حازم: هاه عساك مرتاحه وجدان بفرح: الحمدلله يايمه أم حازم: يلله روحي نامي وجدان: إنشالله تصبحين على خير ياأحلى أم بالدنيا أم حازم: وإنتي من أهله يالغاليه
_________________ """"""""""""""""""""""
راحت لغرفتها نامت على السرير تفكر بفهد كيف كان يعاملها مرات تحس معاه بحنان الأم وحرص الأب ومرات تحس براحتها معاه مثل راحتها مع صديقاتها ومرات بنصايحه تحس بخوف أخوانها وخواتها وبميلها بقلبها تحس إنه حبيبها وبمعرفة أهلها إنها تكلمه وتجلس معه براحتها تحس بنفس الوقت كان فهد نايم ع سريره ويفكر بوجدان شكلها روووعه جذابه بمافيه الكفايه رقيقه وناعمه حتى كلامها ذوق ولاحظ إنها إذا تكلمت مع البنات تكون بنت كبيره وفاهمه وإذا كانت تتكلم مع أحمد وصفاء تكون بمكانة الأم وإذا تكلمت مع أمها وخالتها تكون بنت حنون ومطيوجدان: هلا فيك فهد: كل هذا تحت وش تسوين وجدان: لا من قبل شوي وأنا فوق أتذكرك وأنت عندي فهد بلكاعه: ليش عسى ماتضايقتي من شي وجدان: لابالعكس مبسوطه لأخر شي الحمدلله وبعدين إنت قلت بس تسمع صوتي وتنوم وأنا الصدق خدرانه حيــــــــــــــل وفيني نوم فضيــــــــــــــع فهد: خلاص نامي مو مثل أمس بعد تنومين وأنا معك ع التليفون وجدان: ________ فهد: وينك لايكون نمتي ؟ وجدان: ههههههه يلله حبيبي تصبح على ألف خير فهد: ياحياتي وأنت من أهل الخير باي باي وجدان: باي
بعد أيام واليوم الخامس بالتحديد يوم الجمعه كان الكل يجهز لطلعة البر والكل نام بدري إلا وجدان مانامت كانت بس تبكي تحس بضيقه وماودها لو تروح صلت الفجر ونامت ع السرير وأول ماغمضت عيونها طقو الباب عليها لأنهم ربع ساعه ويمشون فتحت وجدان الباب غيداء: وجدان وش فيك ليش عيونك حمرا وجدان: مدري بس مانمت طول الليل وأحس الحين راسي بينفجر غيداء: خلاص إذا وصلنا نامي شوي بس الحين يلله جهزي أغراضك وجدان: إنشالله
طلعت وجدان شنطة البر ماتدري وش تحط فيها حاسه إنهم ماراح يطولون هناك يومين بالكثير وهم راجعين حطت دفتر ذكريات وأشرطة أناشيد ومحاضرات وقرآن بصوت القارئ أحمد العجمي ومسجل صغير وجلابيه وحده وبجامة النوم وشبشب قوي وشرشف أبيض ماتدري ليش خذته بس حست إنها محتاجه له وخذت بشنطتها الصغيره اللي بيدها مصحف صغير وأذكار الصباح والمساء ومسواك دقو أهلها ع الإنترفون وبلغوها إنهم بالسياره وقفت وصارت تطالع لغرفتها نزلت دمعه ع خدها ومسحتها بطرف كمها نزلت وهي تطالع لبيتهم ركن ركن وللأثاث قطعه قطعه نزلت شنطتها بالسياره وركبت مع أهلها اللي كانو منقسمين بــسيارات أبوحازم معاه أم حازم+صفاء+أحمد+الشغوجدان ماكانت مع الناس فيها نوم فضيع ولا هي قادره تنوم وصلو للمكان الساعه وكانو هم آخر من وصل سلمت عليهم وجدان بسرعه ودخلت بخيمه وراحت بسابع نووومه قبل يذن الظهر حست بيد حنونه ع راسها تتفقد صحتها فتحت عيونها إلا هذا فهد إبتسمت وجدان فهد: صح النوم ياقلبي وجدان: صح بدنك حياتي كم الساعه فهد: مدري بس شوي ويذن الظهر ليش نايمه والله خفت عليك حسبت حرارتك مرتفعه تجلس وجدان وتمد يدينها لقدام وتشد جسمه وصارت عظامها تطقطق إلتفتت على فهد إبتسمت ثم طلعت لسانها لهبشكل جنوني كان راح يروح فيها الحبيب ووقفت وجدان: عن إذنك أبغى أتوضأ وأجلس مع الحريم شوي فهد: الساعه بالليل أبغى أجلس معك وجدان: تامرني ياقلبي يلله باي فهد: إنتبهي ع نفسك وجدان: أبشر وإنت بعد فهد: إنشالله طلعت وجدان وفهد طلع من الباب الخلفي للخيمه راحت توضت وجلست مع الحريم كانت تسولف وتضحك بشكل أول مره يشوفونها كذا إبتسامتها مافارقت وجهها ووجهها منور بزياده عيونها فيها نظرات غريبه كانت تقول شي بس محد فهمها تلعب مع أخوها أحمد وتضمه بين فتره وفتره وتسولف مع غيداء وصفاء بس كأنها سواليف وحده مايعرفونها تسولف بلهفه وحماس وإبتسامه واضحه مهما كانت السالفه بايخه تحاول تطالع لفهد والعيال من بعيد مر الوقت سريع سريع سريع على وجدان ونست لاتقول أذكار المساء وجت الساعه نامو الكبار والبنات بخيمتهم والعيال بخيمتهم دق جوال وجدان وجدان: هلا عيوني فهد: يلله وجدان أطلعي أنا عند باب الخيمه وجدان: ثواني وأجيك باي قفلت من فهد وراحت تطلع من شنطتها سلسال فضي والشرشف الأبيض ولفت جسمها لأنها لابسه بجامة نوم
سمعت تعليقات البنات بس هالمره ماردت عليهم وقالت: بنات من جد أحبكم وترسل بوسه بالهوا وتأشر بيدها وتقول باااااااي حبيباتي البنات أستغربو من كلامها وجلسو يضحكون ريم: الظاهر من الخوف ماتدري وش تقول البنات: ههههههههههههههههههه
%%%%%%%%%%%%%%%%
مسكت يد فهد بلهفه وضغطت عليها بقوه وراحو يتمشون وخذو من الثلاجه عصير وجلسو عند النار وجدان: فهد تصدق أحبك أحبك أحبك فهد: وجوده لو أدري إن البر بيجرأك معي كذا كان من زمان طلعتك وجدان: وبرضو أحبك عندك مانع فهد ماسك كل يدينها يبوس فيهم: وأنا والله أحبك وأموت فيك ولا أقدر أعيش بدونك سحبت وجدان يدها ومسحت دموعها بكمها وصارت تفرك عيونها وتبكي مثل الأطفال فهد: أفا أفا أفا وش فيك حياتي ليش كل هالدموع قرب منها وضم راسها ع صدره وحس إن البرد زاد شوي فهد: وجدان تعالي ندخل بخيمة الجلوس فاضيه مافيها أحد يلله ندخل عن البرد وقفت وجدان ووقف فهد مشى فهد وهي وقفت ونادته بصوت قصير شوي: فهــــــــــــــد؟!!!!. إلتفت عليها فهد: لبيــــــــــــه راحت له وجدان بخطى سريعه وضمته بقوووه وباسته على شفايفه فهد مسكها بقوه ويكلمها بإنفعال وعصبيه: وش فيك تكلمي إنتي تعبانه حاسه بشي والله خوفتيني عليك وجدان: أي فهد عورتني فهد إنتبه لمسكته لها: آسف حبيبتي بس خايف عليك وجدان: اللــــــــــــــه تجنن حبيبتي بأفمك ضحك فهد وشالها وهي مايته ضحك وخو ودخلو بخيمة الجلوس ونزلها على الجلسه وصارو يسولفون ولاحظ فهد إن وجدان تتكلم بشكل سريع وإبتسامه بريئه مرسومه ع شفايفها الصغيره المليانه وحس بنظراتها شي غريب ومسكتها ليدينه جديده عليه كانت تبوسهم وتضمهم ع صدرها فهد: وجدان فيك نوم وجدان: قدامنا وقت ننوم فيه مانصحى إستغرب فد من كلامها وتذكرت وجدان السلسال رفعت الشرشف الأبيض وقالت لفهد غمض عيونك فهد: ليش وجدان: مض بس مو تفتح فهد: إنشالله حطت السلسال بجيب فهد في بنطلونه وقالت: فتح بس إسمع لاتشوف إلابكرى بعد ماتصحى فهد: تكفين أبغى أشوفه الحين أخاف حطيتي لي حشره وجدان: أفا وش شايفني أحط لك حشره الله يسامحك فهد: لامو قصـ... تقاطعه وجدان: آسفه فهد بس أبغى الحمام (تكرم) ضروري فهد: الحمام بعيد روحي ورا الخيمه خذي معك مويا بكاس كبير ومنيل وفعلآ سمعت كلام فهد وراحت ورا الخيمه بس بعدت شوي
بعد دقيقتين سمع فهد صرخه بيميز الصوت وبيعرف المكان ماقدر راح يركض متجه لوجدان لقاها طايحه ع الأرض وثعبان عندها يحاول يهرب أخذ فهد حصاة كبيره وضرب راس الثعبان ومات أنس من وراه: وش فيكم فهد بصوت باكي ومرعوب: أفتح سيارتك بسرعه ناخذ وجدان للمستشفى راح فهد يركض شايل وجدان بالشرشف الأبيض وهي تأن أنين وتبكي بكاء يقطع القلب يبكي فهد: أصبري ياوجدان عشاني تحملي وجدان بصوت متقطع:أ حـ بـ ك ركبو السياره أنس يسوق وفهد ماسك رجل وجدان حتى مايمشي السم ويحاول يسحب السم بأفمه بس ماكان يطلع معاه شي ربط رجلها بشماغ لقاه بسيارة قرب من وجدان وحس إنها تنتفض من البرد غطاها بالشرشف الأبيض مسك يدها لقاها مثل الثلج يطالع لعيونها ودموعه ماوقفت لحظه وحده كان وده لو تركها تروح للحمام وده لو ماجبرها تطلع للبر قطع تفكيره صوت وجدان وجدان: حبيبي قرب عند وجهي قرب فهد لها وهو يخبي عنها دموعه: سمي آمري وجدان تبوس خده وشفته: إنت عارف إني أحبك صح فهد: وأنا أموت فيك بس إرتاحي لاتتكلمين وجدان تبكي: طيب أسمع آخر كلامي يحط يده على فمها: تكفين لاتقولين كذا إنتي بتعيشين وبنسوي حفلة ليلة الدخله وبنجيب عيال كان يتكلم وهويتقطع من الداخل وجدان: فهد عش حياتك حتى وإن متت فهد يصارخ: ماراح تموتين ماراح تموتين خذي كل عمري بس لاتتركيني بلحالي لاتروحين عني أنس سمع كل اللي دار بينهم وكان لايقل عن فهد بردة الفعل وصار حتى هو يبكي مع فهد فهد يطالع لوجدان ولونها صار أصفر فاتح وشفايفها تميل للبنفسجي أو الأزرق وصارت تتكلم بكلام مو مفهوم بس بعدين قالت بصوت يكاد يكون مختفي: فهد أحبك وإذا إنت تحبني عش حياتك وتزوج فهد: لا مابغى غيرك من حريم الدنيا مابغى غيرك خذي عمري خذيه لما قربو من المستشفى صارت وجدان ترجع شي لونه أبيض كأنه زبادي وأول ماوصلو مسكت يد فهد وقالت: أشهد أن لا إلا الله وأشهد أن محمدآ رسول الله فهد: وجدان تحملي حبيبتي هذانا وصلنا جو الممرضات شالوها عالسرير بالشرشف الأبيض لاحظ فهد يد وجدان طاحت ماحب يصدق عيونه كان عنده أمل إنها تكون حيه راحو يركضون ورا الممرضات دخلو الممرضات فيها داخل غرفه ومنعوهم يدخلون طلع الدكتور بعد دقايق يهز راسه فهد: بشر يادكتور إنشالله حالتها تطمن أنس يمسح دموعه: هاه بشر
الدكتور: إنت أخوها فهد: لازوجها أنس: أنا أخوها الدكتور: أنتم أكيد مؤمنين بقضاء الله وقدره وعارفين إن كل نفس ذائقة الموت فهد بذهول: يعــــــــــــــني إيــــــــــــــــــــــــــــش الدكتور: أدعولها بالرحمه لها أكثر من دقايق متوفيه فهد يصرخ ويبكي: إنت كذاب وراح يركض دخل عندها نام ع صدرها مسك يدها يبكي ودموعه بللت صدرها رفع راسه يكلمها: وجدان وجدان ردي علي تكفيــــــــــــــن لاتخليني أخاف أكثر أنا من لي غيرك يحن علي ليش تركتيني وجدان خلاص لاتطلعين للبر لاتروحين نامي بالبيت (أنس واقف عند الباب يبكي ومو قادر يسوي لأخته شي) فهد يبكي: وجدان قومي يكفي دلع طيب إخذيني معك لاتتركيني بلحالي تذكر فهد إنه هو أقنعها تطلع للبر وهي كأنها حاسه بشي صار يضرب نفسه ويصارخ: أنا حمار أنا ماأفهم أنا غبي قالت لي ماتبغى تروح وأنا أقنعتها ليش أقنعها ليش ماخليتها تنام بالبيت أنس يبكي ويحاول يمسك فهد: يارجال قل لا إله إلا الله أدع لها بالرحمه هذا يومها مكتوب إنها تموت اليوم حتى وإن كانت بالبيت فهد بهدوء: لاإله إلا الله دق على أهلك وقلهم أنس يدق على أبوه وطلع برا الغرفه تذكر فهد اللي حطت له بجيبه دخل يده ولقى سلسال مكتوب فيه أول حرف من أسمها وأول حرف من أسمه وتاريخ الملكه ومن ورا مكتوب (أحبك للأبد) أغمي على فهد وصار بغيبوبه مايحس بشي حوله ترقد بالعنايه المركزه وأنواع الأجهزه على جسمه أهل فهد ووجدان كلهم بالمستشفى جالسين بالإنتظار يدعون لهم فجأه الممرضات والدكاتره متجهين بسرعه لغرفة فهد بالعنايه المركزه وقف أنس يطالع من بعيد لشكل الدكاتره مرتبكين وحركاتهم سريعه وأخيرآ يحطون جهاز الكهرب على قلب فهد أول مره مانبض قلبه ثاني مره مانبض وثالث مره غطو وجه فهد وأنس مو مصدق اللي صار طلع الدكتور: لاحول ولا قوة إلا بالله أبو ماجد: بشر يادكتور الدكتور: عظم الله أجركم في موتاكم بكو بكل حرقة وألم ، فقدو أعز أبنائهم وفي يوم واحد ولحظة واحده فقدو فهد فقدو وجدان ذهبو عن الدنيا في غمضة عين
ولكن نرفع أكفنا للسماء ندعو الإله أن يكون الملتقى الجنه.. ¤تــــــــــمـــــــــت¤ ¤ـــــــــــــ¤ ¤ــــــ¤ ¤ الدنيا متعبه ولاتعطي شيء بسيط من السعاده إلا وهي تخفي من الهموم الشيء الكثير إن الحياة مهما أعطت لابد أن تأخذ لكن إذا أرادت أن تأخذ تأخذ أعز شي يمتلكه الإنسان {إنالله وإنا إليه راجعون} للمزيد من مواضيعي
الزعيم المدير
عدد المساهمات : 464 نقاط : 898 الشكر : 35 تاريخ التسجيل : 27/05/2010 العمر : 28 الموقع : https://moving-days.yoo7.com/profile.forum?mode=editprofile
موضوع: رد: أخــــــــــــــــر لقــــــــــــــــــــاء0000 الأربعاء سبتمبر 08, 2010 5:06 am
موضوع جميل جدا شكرا على الموضوع الرائع تقبلي تحياتي الزعيم
موضوع: أخــــــــــــــــر لقــــــــــــــــــــاء0000 
لاتنسين تصحين زوجك فهد)
